ئەمڕۆ شەممە، قۆناغی حەوتەم لە ئۆپراسیۆنی ئیرادەی پۆڵایین لە سەلاحەدین و دیالە دەستی پێکرد.

‌ 

شانەی راگەیاندنی ئەمنی لە بەیاننامەیەک دا رایگەیاند، سەرلەبەیانیی ئەمڕۆ بە سەرپەرشتیی فەرماندەییەکانی ئۆپراسیۆنە هاوبەشەکان، بە پاڵپشتیی هێزی ئاسمانیی، لە سەلاحەدین و دیالە و سامەرا دەستیان بە قۆناغی حەوتەم کرد لە ئۆپراسیۆنی ئیرادەی پۆڵایین. 

 لە بەیاننامەکەدا ئاماژە بەوەدراوە، کە لەم قۆناغەی ئۆپراسیۆنەکەدا، ناوچەکانی نێوان سەلاحەدین و دیالە و سامەرا بۆ دۆزینەوەی مۆڵگە و چەکدارانی داعش، کێوماڵ دەکرێن.

جێگای ئاماژەیە ئەم قۆناغەی ئۆپراسیۆنەکان، هاوکاتە لەگەڵ قۆناغی شەشەم ، کە لە ناوچەکانی کەرکوک بەردەوامە.