هێزەکانی سوپای تورکیا لە ئۆپەراسیۆنێکدا لە چوارچێوی زنجیرە ئۆپەراسیۆنەکانی "پەنجە - قوفڵ" لە کوردستانی عێراق، پەناگەیەکی ژێرزەوینیی هێزەکانی پەکەکەی تیابرد.

وەزارەتی بەرگریی نیشتمانیی تورکیا رایگەیاند؛ ئەم حەشارگەیە ١٨٠٠ مەتر درێژایی بوو و ٣٣ ژووری هەبووە پاش ئەوەی دۆزرایەوە هەموو چەک و کەرەستەی جەنگییە دەستبەسەرگیراوەکەی تیابردووە و پاش هەڵمەتی پاکتاوکردنی، بە تەواوی وێران کراوە و کەڵکوەرگیران لێی گونجاو نییە. وەزارەتی بەرەڤانیی تورکیا پێیداگرتووە کە هەڵمەتی پاکتاو کردن و گەڕان و پشکنینی ناوچە بە ناوچە لە کوردستانی عێراق ئێستایش بەردەوامە و ئامانج لەم هەڵمەتە تیابردنی تۆکمە و تەواوی ژێرخانە لۆجستیکییەکان و پەناگە و حەشارگە ژێرزەوینییەکانی پەکەکەیە.