کۆمپانیای سۆمۆ ڕایگەیاند؛ لەمانگی ڕابردووی زایینی، هەرێمی کوردستان بەشێوەی مامناونجی رۆژانە زیاتر لە ١٨٨ هەزار بەرمیل نەوتی هەناردە کردووە.

بەپێی راپۆری کۆمپانیای سۆمۆ، کۆی هەناردەی نەوتی هەرێم دەگاتە پێنج ملوێن و ٨٣٤ هەزار و ٤٨٦ بەرمیل. زیاترین ڕێژەی هەناردەکان لە مانگی ڕابردوو بە زیاتر لە یەک ملوێن بەرمیل تۆمار کراوە. هەرلەو ماوەدا، لە کێڵگە ناوەندیەکان و نەوتی قورسی بەسرە بەگشتی پتر لە ١٠٤ ملوێن بەرمیل نەوت هەناردە کراوەو بەم پێیە، گشت هەناردەی نەوتی عێراق بە هەرێمی کوردستانیشەوە، گەیشتووەتە ١١٠ ملوێن و ٦٥٠هەزار بەرمیل.