وەزیری نێوخوی تورکیا بۆجارێکی دیکە جەختی کردەوە لەسەر پێویستیی گەڕاندنەوەی ئەندامانی بیانیی تاقمی تیروریستیی داعش .

بەپێی راپورتی رۆیتێرز ، سلێمان سۆیلوو رۆژی ھەینی گوتی ، حکومەتی تورکیا  لە رۆژی دوشەممەوە ئەندامانی بیانیی تاقمی تیرۆریستیی داعش دەگەڕێنێتەوە بۆ وڵاتەکانیان . 

وەزیری نێوخوی تورکیا وتیشی : تەنانەت ئەو داعشیانەش کە شارومەندیی ئەوان لە وڵاتەکانیان ھەڵوەشاوە ، دەگەڕێندرێنەوە . 

 سلێمان سۆلوو چەند ڕۆژ لەمەوبەر گوتبووی تورکیا ھۆتێلی داعشیەکان نیە و ئانکارا ئەندامانی ئووپایی داعش بۆ وڵاتەکانیان دەگەڕێنێتەوە . 

لە کاتی دەسپێکی دەسدرێژیی سەربازیی تورکیا بۆسەر باکووری سوریا راپۆرتی جیاجیا لە گیرانی دەیان ئەندامی داعش لە لایەن  تورکیاوە بڵاوبووەتەوە .