سەرۆکی پەرلەمانی عێراق بەمەبەستی وتووێژ لەگەڵ کاربەدەستانی کۆماری ئسلامیی ئێران بەرەو تاران کەوتە ڕێ.

بەپێی ڕاپۆرتی هەواڵدەریی دەنگ و دیمەنی ئێران ، "سەلیم جبووری" سەرۆکی پەرلەمانی عێراق سەرلەئێوارێی هەینی بەمەبەستی چاوپێکەوتن لەگەڵ کاربەدەستانی کۆماری ئیسلامیی ئێران ، فڕۆکەخانەی نێودەوڵەتیی بەغدای بەرەو تاران بەجێ هێشت.


نووسینگەی جبووری ڕایگەیاندووە کە سەرۆکی پەرلەمانی عێراق لەسەر بانگهێشتنی فەرمیی "عەلی لاریجانی" سەرۆکی پەرلەمانی ئیسلامیی ئێران سەردانی تاران دەکات و لەگەڵ کاربەدەستانی ئێرانی سەبارەت بە پەرەی پەیوەندیی دوولایەنە عێراق و ئێران وتووێژ دەکەن.