ھاریکاری تایبەتیی سەرۆکی مەجلیسی شورای ئیسلامیی ئێران بۆ کاروباری نێونەتەوەیی وێڕای ئاماژە کردن بەمەی کە بەرجام تەنیا ناوێکەو بەس، پێی داگرت: پێوەر بۆ جەماوەری ئێران ھەڵس و کەوتی کرداریی دانیشتووانی تازەی کۆشکی سپیە.

«حسەین ئەمیر عەبدوڵڵاھیان» ھاریکاری تایبەتیی سەرۆکی مەجلیسی شورای ئیسلامیی ئێران بۆ کاروباری نێونەتەوەیی ، ڕۆژی پێنج شەممە لە ھەژماری توییتێرەکەی دا نووسی: ترەمپ سیمای تیرۆریزمی ئاشکرای کۆشکی سپی ڕۆی و بایدێن و ھەریس ھاتن.

«عەبدوڵڵاھیان» وێڕای ئاماژە کردن بەمەی کە لە ئێستادا بەرجام تەنیا ناوێکەو بەس، جەختی لەوەش کردەوە کە، گۆڕدرانی ھەڵس و کەوتی دوژمنکارانەی مێژوویی ئەمریکاو ھەڵگیرانی بایکۆتی ستەمکارانە گرینگترین بابەتەو پێوەری جەماوەری مەزنی ئێران  ھەڵس و کەوتی کرداریی دانیشتووانی تازەی کۆشکی سپیە.