وتەبێژی وەزاڕەتی دەرەوەی ئێران ، لە بارەی گرنگایەتیی سەردانەکەی نوێنەری رێکخراوی نەتەوەکان بۆ کاروباری یەمەن لە تاران گوتی ، گەڵاڵەی چوار بڕگەیی ئێران لە بارەی یەمەن هەروا لە سەر مێزە.

سەعید خەتیب زادە لە دانیشتنی حەوتانەی خۆی لە وڵامی پرسیارێکی هەواڵدەریی ئیران پرێس لە بارەی یەمەن گوتیشی : هەندێ لا وادەزانن هەروا بە کوشت وبڕ دەتوانن بە ئامانجی خۆیان لە یەمەن بگەن ، بەڵام تاکە رێگەی قەیرانی یەمەن ، شێوازی سیاسیە .

 خەتیب زادە گوتیشی : گەڵاڵەی چوار بڕگەیی ئێران لە بارەی یەمەن هەروا لە سەر مێزە و کۆماری ئیسلامیی ئێران لەمبارەوە پێوەندیەکی نزیکی لە گەڵ رێکخراوی نەتەوەکان دا هەیە .

وتەبێژی وەزارەتی دەرەوەی بە ئاماژە بەوەی کە بزووتنەوەی ئەنساروڵڵای یەمەن زیاترین هەوڵی داوە بۆ ئاشتیی یەمەن ، هیوای خواست ئەم کارەساتە مرۆییە لە یەمەن بەمزوانە کۆتایی بێت .

خەتیب زادە لە بارەی سەردانی سەرۆکی دەسەڵاتی دادڤانی ئێران بۆ عێراقیش گوتی : لەم سەردانەدا دۆسیەی گرنگی دادڤانی و مافەوانیی تاووتوێ دەکرێن .