رەتکرانەوەی ھەواڵی رفێنرانی گەمیی عێراقی لە ئاوە سەرزەویەکانی ئێران
بەڕێوەبەری گشتیی کاروباری دەریایی رێکخراوی بەندەرەکان و دەریاوانیی ئێران ، ھەواڵی رفێنرانی گەمیی عێراقیی لە ئاوە سەرزەویەکانی ئێرانی کە لە ھەندێ کەناڵی عەرەبی دا بڵاوبوەتەوە، رەتکردەوە .
بە پێی راپۆرتی ئیرنا ، حسێن عەباس نژاد بەڕێوەبەری گشتیی کاروباری دەریایی رێکخراوی بەندەرەکان و دەریاوانیی ئێران ، ھەواڵی رفێنرانی گەمیی عێراقیی لە ئاوە سەرزەویەکانی ئێرانی کە لە ھەندێ کەناڵی عەرەبی دا بڵاوبوەتەوە بە نادروست زانی و گوتی : دوای وەرگرتنی پەیامی فریاگوزاریی گەمیەکی نەناسراو لە سنووری ئاویی عەرەبستان ، گەمیی ناجی8 لە بەندرەی دەیری بووشێھرەوە بەرەو شوێنەکە کەوتەڕێ.
بەڕێوەبەری گشتیی کاروباری دەریایی رێکخراوی بەندەرەکان و دەریاوانیی ئێران گوتیشی : بە پێی یاسا نێودەوڵەتیەکان و ئەرکی وڵاتانی ئەندامی رێکخراوی جیھانیی دەریاوانیی ، (IMO) ئەم رووداوە بەڕێوەبەرایەتی کرا .
عەباس نژاد بە ئاماژە بەوەی کە دوای چەند ھەڵمەتی ئاسمانیی ، دەریایی و بە ھاوبەشی چوار وڵاتی ئێران ، عەرەبستان ، بەحرێن و قەتەر ، سەرەنجام گەمیە ھەڵوەداکە لە قەتەر دۆزرایەوە و گوێزرایەوە بۆ بەندەری ئەلرەویس ، گوتی : لەم ھەڵمەتەدا دوو گەمی ئێرانی ئامادەبوون و توانایی گەڕانی ئاسمانیی ئێرانیش دەکار ھات .
