وەزیری دەرەوەی ئێران دژکردەوەی دەسدرێژکارانەی بڕێک لە کاربەدەستانی ڕۆژئاوایی بەرامبەربە پرسی ژاراوی بوونی گۆماناوی قۆتابیانی کچی ئێرانی بە درێژەی شەڕی تێکەڵاوی دوژمن زانی .

حسین ئەمیرعەبدۆڵڵاهیان  ڕۆژی  هەینی   لە توئیتێکدا نووسی: دژکردەوەی دەستوەردەرانەی   بڕێک  لە کاربەدەستانی  ڕۆژئاوای  لەحاند پرسی  ژاراوی  بوونی  گۆماناوی   قۆتابیانی  کچی  ئێرانی  درێژەی  شەڕی  تێکەڵاوی  دوژمنە . 

ئەمیرعەبدوڵڵاهیان  لە کاردانەوە  بە   دەستوەردانی   بڕێک  لە کاربەدەستانی   ڕۆژئاوایی  لەوبوارە دا  جەختی  کرد: نەتەوەی  گەورەی  ئێران  فرمێسکی  درۆ  دەناسن .

سەید  ئیبراهیم  ڕەئیسی  سەرۆک کۆماری  ئیسلامی  ئێرانیش  ئەمڕۆ  لە کۆڕی  خەڵکی  شاری  دەشتی  پارێزگای  بووشەهر  لە باشووری  ئێران  باسی  کرد لە  فەرمانی  تایبەت  بە وەزیرانی    وڵات  و  ئیتڵاعاتی   ئێران بۆ   لێکدانەوەی  پرسی  ژاراوی بوونی   قۆتابیانی  ئێرانی .

لە هەمان کات دا  وتەبێژی  وەزارەتی  دەرەوەی  ئێران وێڕای جەخت کردن  لەسەر  ئەوەی کە  پێ و شوێن گرتنی   پرسی   ژاراوی بوونی    قۆتابیانی  ئێرانی  لە گرینگترین پرس و بابەتەکانی   بەردەم دەوڵەتی  ئێرانە  وتیشی  : کاردانەوەی  بەپەلە ،  سەیرو پیلانگێڕانەی  کاربەدەستانی بڕێک لە وڵاتان لەو پەیوەندیەدا، لەدرێژەی  هەڵوێستی   سیاسی  دەستوەردەرانەی   ئەوان  لە مانگەکانی  ئەم دواییە  و هاوڕێ لە گەڵ  ئامانجی  سیاسی  هەڵسەنگێندراو بۆ کەڵک وەرگرتنی نابەجێی لە پرسە مرۆییەکان بۆ بەدی هاتنی ئامانجی  سیاسیە .