پێشوازیی ئێران لە بڕیاری نیکاراگۆڤا سەبارەت بە پچڕینی پێوەندی لەگەڵ ئیسراییل
وەزارەتی دەرەوەی ئێران پێشوازیی کرد لە بڕیاری حکومەتی نیکاراڤۆڤا سەبارەت بە پچڕێنی تۆکمە و تەواوی هەموو پێوەندییەکانی لەگەڵ ڕژێمی ژینۆسایدکاری ئیسراییل.
«ئیسماعیل بەقایی هامانه» وتەبێژی وەزارەتی دەرەوەی ئێران ئەمڕۆ یەکشەممە بە پێشوازی لە هەنگاوی بەرپرسیارانەی حکومەتی نیکاراگۆڤا سەبارەت بە پچڕینی تۆکمە و تەواوی هەموو پێوەندییەکانی لەگەڵ ڕژێمی داگیرکەری زایۆنی، ئەو هەنگاوەی بە نیشانەی پێبەندبوونی نیکاراگۆڤا بە یاسا و ڕێساکانی مافی نێودەوڵەتی، جاڕنامەی نەتەوە یەکگرتووەکان و بەڵگە نێودەوڵەتییەکانی هاوپێوەند بە پێشگری و بەرەنگاربوونەوەی ژینۆساید زانی.
بەقایی هامانە هەروەها بە ئاماژە بە بەیاننامەی حکومەتی نیکاراگۆڤا کە تێیدا ڕژێمی جنایەتکاری زایۆنی وەک دوژمنی مرۆڤایەتی و مەترسیی لە سەر ئاشتی و ئارامیی ناوچەکە و جیهان وەسف کراوە، ڕێز و سپاسی دەربڕی بەرامبەر بە هاوخەمی و پشتیوانی دەربڕینی حکومەت و خەڵکی نیکاراگۆڤا لەگەڵ خەڵکی فەلەستین و لوبنان و گەلانی دیکەی ناوچەکە بەرامبەر بە ژینۆساید، داگیرکاری و دەسدرێژیی هەمیشەیی ڕژێمی داگیرکەری زایۆنی.
