نوێنەری کۆماری ئیسلامیی ئێران لە ئاژانسی نێودەوڵەتیی وزەی ئەتۆمی لە ڤییەنا، ڕایگەیاند کە ئامانجی سیاسی لە پشتەوەی دەرکرانی بڕیارنامەی ئەنجومەنی بڕیاردەران دژ بە ئێرانە کە داڕێژەرانی بڕیارنامەکە پێ و شوێنی دەگرن.

نەزیری وتی: بە داخەوە ئامانجی سیاسی لە پشتەوەی ئەم بڕیارنامەیە و داڕیژەران و پەسەندکەرانی بە بێ بایەخدان بە سەردانی ئەمدواییەی بەڕێوەبەری گشتیی ئاژانس لە تاران هەوڵیان دا بگەنە ئامانجە سیاسییەکانی خۆیان.

نوێنەری کۆماری ئیسلامیی ئێران لە ئاژانسی نێودەوڵەتیی وزەی ئەتۆمی لە  ڤییەنا، ڕاشیگەیاند: دیار بوو کە ئەم بڕیارنامەیە پشتیوانییەکی بەربڵاوی لێ ناکرێ و ژماری زۆری دەنگی نەرێنی و بێلایەن سەلمێنەری هەمان ڕاستییە کە ئەندامانی ئاژانس بڕوایان وابوو کە ئەم بڕیارنامەیە نە کاتی دەرکرانی بووە و نە هیچ پاساوێکی هەیە بۆ دەرکردنی. جێی داخ و مەخابنە کە داڕێژەرانی بڕیارنامەکە، ئاژانس لە ئاراستەی ئامانجە سیاسییەکانی خۆیان بەکار دێنن.

نەزیری وتیشی:  کۆماری ئیسلامیی ئێران لەگەڵ وڵاتانی دیکە هەوڵ دەدات کە کار و چالاکیی تەکنیکیی ئاژانس بەتایبەت کردەوە و چالاکییەکانی بەڕێوەبەری گشتی لە ئاراستەیەکی راست و درووست و لە چوارچێوی ئامانجگەلێکدا بچێتە پێشەوە کە لە جاڕنامەی ئاژانسدا پەسەند کراوە.