وتەبێژی ئەرتەشی کۆماری ئیسلامیی ئێران بە ئاماژە بەوەی کە دەستێوەردانەکانی ئەمریکا سەبارەت بە دروستکردنی ڕێڕەوێکی نایاسایی لە گەرووی هورمز بووەتە هۆی نائەمنی، پێیشیداگرت: هێزە چەکدارەکان بە هەموو هێز و تواناوە بەرگری لە مافەکانی گەلی ئێران لە گەرووی هورموز دەکەن و ئەمریکاش باشترە هاوپەیمانەکانی نەخاتە بەر مەترسیی نائەمنییەوە.

ئەمیر سەرتیپ ئەکرەمی نیا بە ئاماژە بە مێژووی دوورودرێژی ئەمریکا لە بەڵێنشکێنیدا، وتیشی: ئەم بەڵێنشکێنییە بەرامبەر بە لێکگەیشتنامەکەی ئەمدواییەی نێوان ئێران و ئەمریکاش دەبینرێت. ئەمیر سەرتیپ ئەکرەمی نیا ڕایگەیاند: ئەمریکا هەوڵ دەدات ڕێگای نایاساییەکەی لە گەرووی هورمز جێبکەوێ و ببێتە ڕێگای بازرگانی؛ لە کاتێکدا کە ئەوە ئێرانە کە هەر چەشنە تەگبیر و یاسا و ڕێسایەکی هاتووچۆ لە گەرووی هورموزدا دادەنێ. وتەبێژی ئەرتەش بە ئاماژە بەوەی کە هەرکات ئەمریکییەکان زەبریان لە دامودەزگەکانی ئێمەدا، گورزی کوشندەیان بەرکەوت، جەختیشی کرد: کاتێک لێکگەیشتنامە و ئاگربەس هاتنە ئاراوە، ئەو دەرفەتەمان بەکارهێنا بۆ بەرزکردنەوەی ئاستی توانای جەنگاوەریمان، بانکی ئامانجەکانمان سات بە سات نوێ دەکرێتەوە و ئێمەش ئامادەین بۆ هەموو پلان و پەلامێک.