بەشار جەعفەری نوێنەری سوریا لە رێکخراوی نەتەوەکان رایگەیاند : دمشق 140 جار لە چوارچێوەی نامەی جێ بڕوا بۆ رێکخروی نەتەوەکان لە بارەی چەکی شیمیایی ترۆریستان وشداری داوە .

بەشار جەعفەری لە وتووێژ لە گەڵ هەوڵادەری سپۆتنیکدا گوتی : حکومەتی سوریا دەیان نامەی بەڵگەداری بۆ ئەنجوومەنی ئاسایش و رێکخراوی قەدەخەی چەکی شیمیایی سەر بە رێکخراوی نەتەوەکان ناردووە کە پشت ڕاستی دەکاتەوە تاقمە ترۆریستیەکان چەکی قەدەخە کراویان لە دژی خەڵکی ئاسایی بە کارهێناوە .

نوێنەری سوریا لە رێکخراوی نەتەوەکان بە ئاماژە بەو زانیاریانەی لە بارەی لۆریەکانی هەڵگری گازی ژاراوی کە 22 ی شوباتی رابردوو لە تێپەڕگەی سنوریی بابولهەوا لە سنوری تورکیا تێپەڕیون وتیشی : ئەو  مادانە کەوتوونە بەر دەستی ترۆریستان تا لە دژی شارومەندانی مەدەنی لە ناوچەکانی ژێر دەستی خۆیان بەکاری بێنن .

ئەم دیپلۆماتە سوریە  بە دەربڕینی مخابن لە پشت گوێ خرانی زانیاریەکانی حکومەتی سوریا  لە بارەی کەڵک وەرگرتنی ترۆریستان لە چەکی شیمیایی لە لایەن کاربەدسەتانی رێکخراوی نەتەوەکانەوە وتی : ئامانج لەم کارانە ،دیزاین کردنی گەڵاڵەیەکی نوێ لە دژی حکومەتی سوریایە .

ئۆپۆزسیونی سوری چواری  نیسانی 2017 لە پەلامارێک دا بەکەڵکوەرگرتن لە چەکی شیمیایی لە خان شەیخوونی پارێزگەی ئیدلیب هەشتا کەسیان کوشت .