ترەمپ کۆنفرانسی جی 20ی بە ناتەواوی جێهێشت و ڕۆیشت بۆ یاری گۆڵف
کۆبوونەوەی ئۆنلاینی کۆنفرانسی جی20 بەردەوامە و ترەمپیش کە پێدەچێت کۆتا کۆبوونەوەی نێودەوڵەتیی بێت بە ناتەواوی کۆنفرانسەکەی بەجێهێشت و ڕۆشتووە بۆ یاریگایەکی تایبەت بە یاری گۆڵف.
دۆناڵد ترەمپ، سەرۆکی ویلایەتەیەکگرتووەکانی ئەمریکا لە کۆنفرانسەکەدا باسی سەرکەوتنی ئیدارەی وڵاتەکەی کرد بۆ بەرەنگاربوونەوەی کۆرۆنا و دواتر دانیشتنەکەی جێهێشت.
بەبەشداری دەیان وڵاتی زلهێزی جیهانی دوێنێ 21 ی تشرینی دووەم دانیشتی 20 بە ئامادەبوونی سەرۆکانی جیهان بە میوانداری سعودییە دەستیپێکرد، لە کۆنفرانسەکەدا دوو پرس گفتوگۆی لەبارەوە دەکرێت، ئەوانیش قەیرانی ڤایرۆسی کۆرۆنا و گۆڕانکارییە ناوچەییەکانن.
بەشێکی زۆر لە سەرکردەکانی وڵاتان لەسەر ئەوە کۆکبوون کە دەبێت ڤاکسینی کۆرۆنا بە یەکسانی بەسەر جیهاندا دابەشبکرێت، بەڵام ترەمپ دیسانەوە “یەکەمجار ئەمریکا”ی هێنایە پێشەوە و باسی ڤاکسینەکانی وڵاتەکەی کرد.
