لە دوایین ھەنگاوی دژە ئێرانی و لە درێژەی پشتیوانی لە ئاژاوەگێڕییەکانی ئەم دواییە، یەکێتیی ئەورووپا ٣٢ بەرپرس و ٢ دامەزراوەی کۆماری ئیسلامیی ئێرانی بایکۆت کرد.

بەگوێرەی ڕاپۆرتی هەواڵدەریی فارس، یەکێتیی ئەورووپا ڕۆژی دووشەممە لە بەیاننامەیەکدا ڕەخنەی گرت لە خۆی وتەنی«بەکارهێنانی هێز بە شێوەیەکی بەربڵاو و نەگونجاو» لە دژی «خۆپیشاندەرانی بێ توندوتیژی».

لە لیستی ئەو کەسانەی کە لەلایەن یەکێتی ئەوروپاوە بایکۆتیان بەسەردا سەپێنراوە، ناوی «محەمەد مەهدی ئیسماعیلی» وەزیری فەرھەنگ و ئیرشادی ئیسلامی، و «یوسف نووری» وەزیری پەروەردە بەدی دەکرێت.

«دامەزراوەی ھەرەوەزیی سەرکردایەتیی ھێزی پۆلیسی ئێران» و «توێژینگەی زانستەکانی پۆلیس»یش دوو دامەزراوەی ئێرانن کە بایکۆتیان بەسەردا سەپێنراوە.

پێشتر سەرچاوە هەواڵییەکان ڕایانگەیاندبوو کە یەکێتیی ئەورووپا بە بیانووی خۆی وتەنی «دەستوەردانی ئێران لە شەڕی ئۆکرانیا» بڕیارە ٧ دامەزراوەی ئێرانی بخاتە لیستی بایکۆتەکانیەوە.