بەرپرسێکی ئەمنیی کەتایبی حزبوڵڵای عێراق هەڕەشەی ئەوەی کرد کە بێتوو هێزەکانی ئەمریکا لە خاکی عێراق نەکشێنەوە، هێرشەکانیان بۆ سەر ئەم هێزانە دەستپێدەکەنەوە.

"ئەبووعەلی عەسکەری" جەختی کرد لەسەر پێویستی هەوڵدانی هەموو لایەنەکان بۆ کۆتاییهێنان بە دواخرانی چوونەدەری هێزی داگیرکەری ئەمریکایی و ڕاشیگەیاند: ببێتوو ئەوە نەکرێ، هێزەکانی ئەمریکا لە خاکی عێراق ڕووبەڕووی زەبری قورس دەبنەوە و ناچار دەبن بە شەڕ و تەقە بکشێنەوە. دەسەڵاتدارانی عێراق چەندین جار ڕایانگەیاندووە کە لەگەڵ ئەمریکا لەسەر کشانەوەی هێزی بیانی ڕێککەوتوون، بەڵام لایەنی ئەمریکایی زۆربەی جاران لە بەرامبەر ئەو ڕاپۆرتانە بێدەنگ بووە.