پۆلیسی ئیسرائیل خوازیاری ڕاگەیاندنی تاوان دژی نەتانیاهۆ بوو
پۆلسی ڕژیمی زایۆنی ڕۆژی سێ شەممە لە دادئەستێنی ئەم ڕژێمە داوایکرد بە فەرمی دژی بنیامین نەتانیاهۆ، سەرۆک وەزیرانی ئیسرائیل سکالا بەرزکاتەوە .
بە گوێرەی ڕاپۆرتی هەواڵدەری فارس، پۆلیسی ڕژیمی زایۆنی ڕاسپێری دادئەستێنیی ئەم ڕژێمە کرد ، "نەتانیاهۆ" لە دوو دۆسییە کە لە بارەی ئەوان دا لێکۆڵینەوە کراوە، بە فەرمی تۆمەتبار بکرێت .
لە دۆسییەی یەکەم دا ناسراو بە "دۆسیەی ١٠٠٠" سەرۆک وەزیرانی ئیسرائیل بە وەرگرتنی بەرتیل، فریو و خەیانەت لەئەمانەت تۆمەتبار کراوە.
نەتانیاهۆ لە دۆسییەی دووهەم ناسراو بە "دۆسییەی ٢٠٠٠" یش بە هاودەستیی لەگەڵ خاوەنی ڕۆژنامەی زایۆنیستی " یەدعیوت ئاحارنوت" بۆ پۆ
ششی باشتری دەنگ وباسی کابینەکەی بەرامبەر بەدی هێنانی بەرتەسکیی بۆ رۆژنامەی غەنیم(ئیسرائیل هیوم) تۆمەتبار کراوە .
نەتانیاهۆ لە حەوتەکانی ئەمدواییە چەندین جار کەوتۆتە بەر لێپێچینەوەی پۆلیس. ناوچە داگیر کراوەکان لە درێژەی مانگەکانی ئەمدواییە بە جاران شایەتی خۆپیشاندان دژی گەندەڵی بنیامین نەتانیاهۆ بووە .
نەتانیاهۆ یەکەم کاربەدەستی ڕژیمی زایۆنی نییە کە بە گەندەڵی تۆمەتبار کراوە. گەندەڵی ئەخلاقی و دراوی لە نێوان کاربەدەستانی رژیمی زایۆنی باوە .
" ئیهود ئۆلمێرت " سەرۆک وەزیرانی پێشووی ڕژیمی ئیسرائیل یش لە ساڵی ٢٠١٤ مەحکووم بوو لەبەر بەرتیل وەرگرتن. " ئاریل شارون" یش لە سەردەمی سەرۆک وەزیرانی خۆی دا بە تاوانی بەرتیل وەرگرتن و گەندەڵی دراوی کەوتۆتە بەر لێپێچینەوە .
