یەکەم کۆمەڵی دژ بە ڕێکەوتنەکەی ئیمارات – ئیسرائیل ڕاگەیندرا
لە وڵاتی ئیماراتەوە پێکهێنانی یەکەم ئەنجومەنی دژایەتی ڕێکەوتنەکەی ئەو وڵاتە و ڕژێمی زایۆنیستی ڕاگەیندرا.
نەیارانی سیاسیی لە ئیمارات بە دامەزراندنی یەکەم کۆمەڵی دژایەتی کردنی ئاساییکردنەوەی پەیوەندییەکان لە گەڵ ڕژێمی زایۆنیستی جەختیان کردەوە کە ڕێکەوتنەکەی ئەبوزەبی – تەل ئەبیب خیانەنەتە لە گەلی ئیمارات.
ئەم کومەڵە بە ناوی الرابطە الاماراتیە لمقاومە التطبیع دامەزراوە و چەندین کەسایەتی نەیاری ڕژێمی ئیمارات لە ڕیزی دامەزرێنەرانیدا دەبینرێن.
کۆمەڵەکە دامەزراوەیەکی ناحکومییە و لە سەرجەم بوارەکانی سیاسی، ئابوری، ئەمنی، وەرزشی و کۆمەڵایەتی دژایەتی ئاساییکردنەوەی پەیوەندییەکان لە گەڵ ڕژێمی زایۆنیستی دەکات.
لە بەیاننامەیەکی ئەو ئەنجومەنەدا هاتووە کە ئەو ڕێگایەی حکومەتی ئیمارات گرتوویەتەبەر، بەلاڕێدابردنێکە لە بەها ئیسلامی و نیشتمانییەکان و خیانەتە لە گەل و لەبەرچاونەگرتنی مێژووی ئەوان بۆ دژایەتی ڕژێمی زایۆنیستی کە خاکی وڵاتێکی عەرەبیی بە ناوی فەڵەستین داگیر کردووە.
