ئامادەیی حیزبوڵڵا بۆ هەرچەشنە کردەیەکی لەناکاوی ئەمریکاو هاوپەیمانانی لە دەریای سوردا
ئەندامێکی ئەنجومەنی ناوەندیی حیزبوڵڵای لوبنان باسی ئامادەیی خۆڕاگریی کرد بۆ هەرچەشنە کردەیەکی لەناخافڵی ئەمریکاو هاوپەیمانانی لە دەریای سوردا.
شێخ نەبیل قاووق - ئەندامی ئەنجومەنی ناوەندیی حیزبوڵڵای لوبنان پێی داگرت: هەر هێرشێک بۆسەر کەسانی سیڤیل، وەڵامێکی گورچکبڕ و خێرای بەدواوە دەبێ و خەڵکانی مەدەنی هێڵی سوری حیزبوڵڵان ، بۆیە بەتوندی وەڵام دەدەینەوە.
ناوبراو بەئاماژە بەوەی کە گرووپە خۆڕاگرەکان لە لوبنان، سوریا، عێراق، غەززەو یەمەن، ئەمریکاو رژیمی داگیرکەری ئیسرائیلیان تووشی شکست کردووە، وتی: خۆڕاگریی لە یەمەن، لاوازیی و زەبوونی ئەمریکای لە دەریای سور ئاشکرا کرد.
ئەو ئەندامەی ئەنجومەنی ناوەندیی حیزبوڵڵای لوبنان هەروەها گوتی: زەخت و گوشارە ناوچەیی و نێودەوڵەتییەکان لەدژ حیزبوڵڵا، نابێتە ڕێگر لەبەردەم بەرەوڕووبوونەوەی دوژمنی زایۆنی و یارمەتیدانی خەڵکی فەلەستین لە سەرزەوینە داگیرکراوەکان.
بەپێی هەواڵێکی دیکە، حیزبوڵڵای لوبنان کارانەوەی پێشاندا بە ئیدیعاکانی میدیای فەڕەنسی "لۆفیگارۆ" لەبارەی هەڵمەتی باهۆزی ئەقساو ڕایگەیاند: ئەوەی وا ئەو میدیا فەڕەنسیە باسی کردووە، خەیاڵ و وەهمی تەواوە کە ئامانجەکەی لەبەین بردنی متمانەی تۆکمەی نێوان بزووتنەوە خۆڕاگرەکان و تاقم و لایەنەکانی لە ناوچەدایە.
