تەقینەوەی بۆمب لە شاری حۆمسی سووریا، لانیکەم١٥کوژراو و برینداری لێکەوتەوە.

بەپێی راپۆری کەناڵی ئەلمەیادین، بۆمبی دانراو لە ئۆتۆمبیلێکی موسافیرهەڵگر ئەمڕۆ سێ شەممە لەناوچەی "عکرمە"ی شاری حۆمس(ڕۆژاوای سووریا) تەقییەوە کە بەهۆیەوە حەوت شارومەندی سووری کوژران و لانیکەم هەشت کەسیش بریندار بوون.

بەقسەی ژمارێک میدیا، ئەو ئۆتۆمبیلە لەتەنیشت فرۆشگەیەکی گەورە ڕاگیرابوو. بەرپرسانی خۆجێی سووریا باس لە ئەگەری چوونەسەری ژماری قوربانیان دەکەن.

دەم و دەزگە ئاسایشییەکانی سووریا لە چەند ڕۆژی ڕابردوودا دوو بۆمبیان لەناوچەیەکی شاری حۆمسی پووچەڵ کردەوە.

شاری حۆمس لە ڕۆژاوای سووریا، سێهەم شاری مەزنی سووریا پاش دەمشق(پایتەخت) و حەڵەب(باکووری سووریا) یە.