نوێنەری تایبەتی سکرتێری گشتیی نەتەوە یەکگرتووەکان لە کاروباری سوریا پێیداگرت کە هەوڵەکانی ڕۆژاوا بۆ تەریک خستنەوەی سوریا لە ماوەی ئەم سێزدە ساڵە هیچ دەسکەوتێکی نەبووە.

"گیێر پێدرسۆن، نوێنەری تایبەتی سکرتێری گشتیی نەتەوە یەکگرتووەکان لە کاروباری سوریا لە کۆبوونەوەیەکدا سەبارەت بە باروودۆخی سوریا وتی:  سێزدە ساڵە ڕۆژاوا هەوڵ دەدات سوریا تەریک بخاتەوە و نەگەیشتۆتە ئامانجەکەی. لەکاتێکدا کە بۆ چارەسەرکرانی قەیرانی سوریا هێنانەئارای چەن پرسێک پێویستە کە یەکێک لەوانە هەڵپەساردنی بایکۆتەکانی ڕۆژاوا دژ بە سوریایە.

پێدرسۆن هەروەها جەختیشی کرد: چارەسەرکردنی قەیرانی سوریا پێویستی بە هێنانەئارای مەسەلەی چوونەدەری هێزی تورکیا و ئەمریکا لەم وڵاتە و هەڵگیرانی بایکۆتەکان لە سەر سوریایە.