وەزیری نەوت وتی: بە جێبەجێکرانی پەترۆشیمی ئیسلاماوای غەرب ، پاش بوشێهر و خوزستان، کرماشان دەبێتە سێهەمین جەمسەری پەترۆشیمی وڵات.

بیژەن نامدار زەنگەنە لە ڕێوڕەسمی دەستپێکردنی پرۆژەی پەترۆشیمیی ئیسلاماوای غەرب کە بە بەشداری جێگری یەکەمی سەرۆک کۆمار بەڕێوە چوو، وتی:

 پەترۆشیمی کرماشان ئاواتی دێرینی ئێمە بوو گەرچی پێشتر هەندێ کێشەی هەبوو بەڵام ئێستا بە زانیاری و تەکنۆلۆژی ئێرانی و کەڵک وەرگرتن لە پتانسێلەکانی ناوخۆی وڵات،  جێبەجێ دەکرێت .

ئەو بە ئاماژە بەوەی کە  پەترۆشیمی لە دۆخی تاڵی گەمارۆکان، دیاریی دەوڵەت بۆ خەڵکی کرماشان دێتە ئەژمار، وتیشی: لەم گەڵاڵە گەورەدا نیو میلیار دۆلار سەرمایە دانراوە کە بە ڕاستی جێگای سەرنجە.

ناوبراو ڕایگەیاند: بەشەکانی ئەم پرۆژەیە پاش سێ ساڵ و لەدوای ئەوەی کە گەیشتە کاتی قازانج دانەوە ، دەدرێتە خەڵک.

بە وتەی وەزیری نەوت بە بەڕێوەبردنی گەڵاڵەی پێترۆکیمیایی ئیسلاماوای ڕۆژاوا، پاش بوشێهر و خوزستان، کرماشان دەبێتە سێهەمین جەمسەری  پەترۆشیمی وڵات.