وەزارەتی ناوخۆی تورکیا لە بەیاننامەیەکدا ڕایگەیاند لە دەسپێکی ئەمساڵەی زایینییەوە واتە ساڵی ٢٠٢٦، ١٣٤ ئەندامی پەکەکە لە چوارچێوی بەرنامەوانی ناسراو بە "قەناعەت پێکردن و گەڕاندنەوە" و ئۆپەراسیۆنەکانی هێزی ئەمنی، خۆیان ڕادەست کردووە. بە وتەی ئەم وەزارەتخانەیە، زۆربەی ئەم کەسانەی پاش خۆڕادەستکردن لەبەند کراون.

لە بەیاننامەکەی ئەم وەزارەتخانەیەدا هەروەها ئاماژەیش بەوە کراوە کە ئەم کەسانە لە ئەنجامی ئۆپەراسیۆنی هاوبەشی یەکەکانی هەواڵگریی فەرماندەرێتی ژاندارمری، پۆلیسی تورکیا و ناوەندی دژەتیرۆر ناسکراون و هاندراون بۆ خۆبەدەستەوەدان.

وەزارەتی ناوخۆی تورکیا ڕاشیگەیاندووە کە ١١٥ کەس لە کەسانی خۆبەدەستەوەداو بە پێی بڕیاری دادگا هەتا کاتی بەرپاکرانی دادگاکەیان لە گرتووگە دەمێننەوە، ١٤ کەس لە چوارچێوی چاودێریی دادەوانیدا ئازاد کراون و پرۆسەی بەدواداچوونی دادەوانیی دۆسییەی پێنج کەسی دیکەیش هێشتا بەر بەردەوامە.