ئەکرەم ئیمام ئۆغڵوو، شارەوانی دوورخراوەی ئەستەمووڵ و بەربژاری پۆستی سەرۆک کۆماریی، پاش حەڤدە ساڵ لە پارتی کۆماریخوازی گەل(جەهەپە) کشایەوەو پەیوەستی "پارتی نوێ" بە سەرۆکایەتی ئۆزگور ئۆزەل بوو. دیلەک ئیمام ئۆغڵووش بەڕاگەیاندنی دەست لەکارکێشانەوەی لە جەهەپە، ئەندامەتی لە پارتی نوێی قەبووڵ کرد.

ئەکرەم ئیمام ئۆغڵوو شارەوانی هەڵبژاردەو خۆشەویستی ئەستەمووڵ کە لە ٢٣ی مارسی ٢٠٢٥ـەوە لە زیندانی مەڕمەڕەی سیلیڤری بەندکراوە، بە بڵاوکردنەوەی پەیامێک لە تۆڕە کۆمەڵایەتییەکان نووسی: لە ئەندامەتی حەڤدە ساڵانم لە پارتی کۆماریخوازی گەل دەکشێمەوە. ئەو بڕیارە، ئەنجامی ئەو بەهایانەیە کە لەبارەی ئایندەی وڵاتەکەمان بڕوام پێیانەو بەرپرسیارەتییەکە کە لەهەمبەر خەڵکدا هەستی پێ دەکەم.

دیلەک ئیمام ئۆغڵوو، هاوسەری ئەکرەم ئیمام ئۆغڵووش هەواڵی کشانەوەی لە جەهەپەو پەیوەست بوون بە پارتی نوێی ڕاگەیاند.