وەزیری بەرەڤانیی ئەمریکا ڕایگەیاند؛ حکومەت و سوپای ئوکراین لە دەسپێکی شەڕەوە لەم وڵاتەدا، تا ئێستا ١١٩ ملیار دۆلار یارمەتیی سەربازییان لە واشینگتۆن و هاوپەیمانەکانی وەرگرتووە.

"لۆیید ئاستین" وتی: حکومەتی ئەمریکا لە دوایین یارمەتییە سەربازییەکانی بە کییەف ، هەگبەیەکی سەربازیی بە بایەخی ٩٨٨ ملوێن دۆلار خستۆتە بەردەستی سوپای ئوکرایین. وەزارەتی بەرەڤانیی ئەمریکا هەفتەی ڕابردوویش بە بڵاو کردنەوەی بەیاننامەیەک ڕایگەیاند کە رادەی یارمەتییە سەربازییەکانی واشینگتۆن بە کییەف لە دەسپێکی دەستبەکارکردنی کابینەی جۆ باید‌ێن تا ئێستا ٦١.٤ ملیار دۆلار  بووە. پێشتر ئانتۆنی بلینکێنی وەزیری دەرەوەی ئەمریکا وتبووی کە واشینگتۆن هەگبەیەکی سەربازیی تازە بە بایەخی ٧٢٥ ملوێن دۆلار تەرخان دەدات بە ئوکراین کە ڕادەیەکی یەکجار زۆر مین دەگرێتەوە.