یاسادانەرانی ئەمریکایی وشدارییان داوە لەحاند ئەوەی کە ئەو ڕێککەوتنە ئەتۆمییەی ئیدارەی دۆناڵد ترەمپ لەگەڵ سعودیا واژۆی کردووە، مەترسیی پەرەسەندنی ڕکابەرایەتیی چەکی ئەتۆمی لە ڕۆژهەڵاتی ناوەڕاستی بەدواوەیە.

ماڵپەڕی ئەمریکایی "پۆلیتیکۆ" نووسیویەتی: بەشێک لە یاسادانەرانی ئەمریکا لە هەردوو پارتی دیموکرات و کۆماریخواز، لەوانە سناتۆر کریس مۆرفی ئەندامی دیموکراتی لیژنەی پەیوەندییەکانی دەرەوەی ئەنجومەنی پیرانی ئەمریکا و سناتۆری کۆماریخواز جۆن کێنێدی، وشدارییان داوە کە ئەو ڕێککەوتننامە ئەتۆمییەی ئەمدواییە لە نێوان واشنتن و ڕیاز واژۆ کراوە، دەتوانێت لەقۆناغێکی تەواو تایبەت و لە کاتێکدا کە ئەمریکا بەردەوامە لە پەلاماردانی ئێران، ببێتە هۆی پێشبڕکێ و ململانێی ئەتۆمیی لە ناوچەکەدا.وەزارەتی وزەی ئەمریکا شەوی ڕابردوو ڕایگەیاندووە کە کە "کریس ڕایت"ی وەزیری وزەی ئەمریکا و شازادە "عەبدولعەزیز بن سەلمان" وەزیری وزەی عەرەبستان ڕێککەوتنێکی هاوکاری ئەتۆمیی ناسراو بە ڕێککەوتنی ١٢٣ و ڕێککەوتنی چاودێری و کۆنترۆڵی دوولایەنەیان واژۆ کردووە.