سەرۆکی ھاوپەیمانیی دەوڵەتی یاسای عێراق پێی داگرت: ھەڵبژاردن دەبێ لەژێر چاودێریی نێونەتەوەیی داو بەبێ زەبرکەوتن لە دەستەڵاتی عێراق ئەنجام بگرێت.

«نوری مالیکی» سەرۆک وەزیرانی پێشووتری عێراق ڕۆژی چوارشەممە لە دیداری «ماکسیم ماکسیمۆف» باڵوێزی ڕووسیا لە بەغدا وتی: قۆناغی ئێستا بەرپاکرانی ھەڵبژاردنی پێشوەختە بەخۆیەوە دەبینێ و واش ھەڵدەگرێت کە کەشێکی لەبار بۆ دوور ڕاگرتنی ھەڵبژاردن لە زەخت و چەک و دەستوەردانی بیانی لە خۆش بکرێت.

مالیکی وێڕای ئاماژە کردن بە قوڵ بوونەوەی پەیوەندییەکانی نێوان عێراق و ڕووسیبا وتی: ڕووسیا وەکو وڵاتێکی دۆست و برادەر دەبێ لە یەکگرتن، سەربەخۆیی و دەستەڵاتی عێراق لە ئەنجومەنی ئاسایشتی ڕێکخراوەی نەتەوەکان بەرەڤانی بکات.

باڵوێزی ڕووسیبا لە عێراقیش جەختی لە داکۆکیی وڵاتەکەی لە عێراق و ھۆگربوونی بە ھێزمەندکرانی پەیوەندییەکان لە ھەموو بوارێک و پەرە پێ دانی ھاوکاریی ئابووری و ڕۆشنبیریی نێوان دوو وڵات کردەوە.