میدیا عێراقییەکان باسی بەرز بوونەوەی دەنگی قیژۆکی بنکەی سەربازیی باڵوێزخانەی ئەمریکا لە ناوچەی سەوزی بەغدایان کردووە.

بە پێی ڕاپۆرتی ڕۆژی چوارشەممەی ئیرنا، ھەتا ئێستا هۆکاری بەرز بوونەوەی دەنگی قیژۆکی بنکە سەربازییەکەی باڵوێزخانەی ئەمریکا ئاشکرا نەبووە.

ڕۆژی سێشەممەی حەوتەی ڕابردووش دەنگی تەقەتفەنگێکی قورس لە باڵوێزخانەی ئەمریکا لە بەغدا بیستراو لەهەمان کاتدا کۆپتەرە ئەمریکییەکان بە ئاسمانی ناوچەکەدا کەوتنە گەشت لێدان.

باڵویزخانەی ئەمریکا لە ماوەی چەند مانگی ڕابردوودا گەلێک جار کراوەتە ئامانجی هێرشی هاوەن و هێزە سەربازییەکانی ئەم وڵاتەش سەرەڕای دانانی سیستەمی بەرگریی جۆراوجۆر، کەچی توانای بەرپەرچدانەوەی ئەو هێرشانەیان نەبووە.