هاوکات لەگەڵ ڕێوڕەسمی پرسە و ماڵئاوایی لە تەرمی پاکی ڕێبەری خەباتگاری شەهیدی شۆڕش، کەسایەتییە دیارەکانی عێراق بە شیکردنەوەی ڕەهەندەکانی کەسایەتی و ڕۆڵی ستراتیجیکی بەڕێزیان باسیان لە کاریگەرییە قووڵەکانی لەسەر پێشهاتەکانی ناوچەکە و جیهانی ئیسلامی کرد.

سەید عەمار حەکیم،سەرۆکی ڕەوتی حیکمەتی نیشتمانیی عێراق، لە چاوپێکەوتنێکدا لەگەڵ کاناڵی ئەلعالەم، ڕێبەری خەباتکاری  شەهیدی بە کەسایەتییەکی هەمەلایەنەی خاوەن ڕەهەندی زانستی، فیکری، فەرهەنگی، سیاسی و ئەمنی وەسف کرد و وتی: پابەندبوون بە بنەما جێگیرەکانی شۆڕشی ئیسلامی، هاوکات لەگەڵ واقع بینی  لە ڕووبەڕووبوونەوەی پێشهاتەکان، لە دیارترین تایبەتمەندییەکانی  بەڕێزیان بوون. عەمار حەکیم، بە ئاماژەدان بە کۆبوونەوە زۆرەکانی لەگەڵ ڕێبەری شەهیدی   وتیشی :  بەڕێزیان تێگەیشتنێکی وردی هەبووە لە پرسەکانی عێراق و هەمیشە جەختی لە پاراستنی بەرژەوەندییە نیشتمانییەکانی ئەم وڵاتە و ڕێزگرتن لە دەسەڵاتی ئایینی و بەهێزکردنی یەکڕیزی و سەقامگیریی عێراق و گرنگیدان بە بەرژەوەندییەکانی نەتەوەی عێراق دەکردەوە. سەرۆکی ڕەوتی حیکمەتی نیشتمانی عێراق هەروەها ڕۆڵی  ڕابەری شەهید و شەهید حاج قاسم سولەیمانی بە یەکلاکەرەوە زانی لە پاڵپشتیکردنی عێراق و ڕووبەڕووبوونەوەی تاقمی تیرۆریستی داعش و ڕایگەیاند کە ئەم پشتیوانییە ڕێگری لە بڵاوبوونەوەی هەڕەشەی تیرۆریستی لە هەستیارترین کاتەکاندا کرد. حەکیم پاڵپشتی بەردەوامی ڕێبەری خەباتکاری  شەهیدی  لە  پرسی فەلەستین، هەوڵەکانی بۆ بەهێزکردنی دامەزراوەکانی جیهانی ئیسلامی و دروستکردنی پێکهاتە بەردەوامەکانی وەک گرنگترین میراتی خۆی خستەڕوو و جەختی لەوە کردەوە کە ئەم ڕوانگەی ستراتیژییە یەکگرتوویی و دەسەڵاتی کۆماری ئیسلامی ئێرانی لە بەرامبەر گوشار و هەڕەشە دەرەکییەکان پاراستووە. هەروەها پرسەی ئەو  ڕابەرە  شەهیدەی بە هێمای هاوپشتی گەلانی ناوچەکە و پێگەی واوە ناوچەیی بەڕێزیان  لە نێو موسڵمانان زانی. هاوکات ئەبو عەلا ئەلوەلایی ئەمینداری گشتی گوردانەکانی  سەید شوهەدا (ع) لە عێراق، هەروەها ڕەهەندەکانی  کەسایەتی و سیاسییەکانی ڕێبەری  خەباتکار ی شەهیدی  ڕوونکردەوە و وتی: هەموو نیگەرانییەکانی ئیسلام و موسڵمانانی لەسەر شانی هەڵگرت و بە ڕوانگەیەکی ستراتیژییەوە ڕێگای میحوەرەکەی بەرخۆدانی ڕێنوێنی کرد. ناوبراو بە ئاماژەدان بە پێشهاتەکانی پێش ئۆپەراسیۆنی “باهۆزی ئەقسا” ڕایگەیاند: ڕێبەری شەهید  باسی لە ڕوودانی پێشهاتە گەورەکانی ناوچەکە کرد و هێزەکانی خۆڕاگری ئامادە کردبوو بۆ ئەوەی ڕۆڵ لەو پێشهاتانەدا بگێڕن. ئەلوەلای جەختی لەوە کردەوە:  ڕابەری شەهید پرسی فەلەستینی بە  ئەولەویەتی  یەکەمی نەتەوەی ئیسلامی زانی و هەمیشە جەختی لە پاراستنی پشتیوانی جەماوەری بۆ بەرخۆدان و سەربەخۆیی سیاسی و ئابووری عێراق و بەهێزکردنی یەکێتی نەتەوەی ئیسلامی دەکردەوە. دواجار داوای لە گەلی عێراق کرد کە بە ئامادەبوون لە پرسەی ڕێبەری شەهیدی  شۆڕش، دڵسۆزی خۆیان بۆ ئارمانجەکانی بەرخۆدان نیشان بدەن و ئەم ئامادەبوونەی بە پەیامێکی ڕوون بۆ ئەمریکا و ڕژێمی زایۆنی زانی.