تیپی تۆپی پێی یانه‌ی نه‌ورۆزی شاری سلێمانی لە یه‌که‌م یاریی دۆستانه‌ی دا سەرکەوتنی تۆمار کرد.

بە پێی ڕاپۆرتی کەناڵی ئاسمانیی سەحەر بە گێڕانەوە لە میدیا وەرزشییەکانی ھەرێمی کوردستان، له‌ چوارچێوه‌ی ئاماده‌کاری بۆ وه‌رزی نوێی خوله‌کانی ھەرێمی کوردستان و عیراق، تیپی تۆپی پێی یانه‌ی نه‌ورۆزی شاری سلێمانی یه‌که‌م یاریی دۆستانه‌ی ئه‌نجام دا.

یانەی نه‌ورۆز له‌سه‌ر یاریگه‌ی خۆی له‌ شاری سلێمانی میوانداریی گازی باکووری کردو یارییه‌که‌ش به‌ سێ گۆڵی بێ وه‌ڵام له‌ به‌رژه‌وه‌ندیی خاوه‌ن یاریگه‌ کۆتایی هات.

گۆڵه‌کانی درێس پڕته‌قاڵیه‌کان له‌رێگه‌ی یاریزانان «شوانه‌ مه‌حمود»و «یوسف موحه‌ممه‌د» و «ئیبراهیم»ه‌وه‌ تۆمارکران .

بڕیاره‌ له‌ جامی عیراق رۆژی ١٨ ئه‌م مانگه‌ یانەی نه‌ورۆز به‌رامبه‌ر «یه‌کی حوزه‌یران» یاری بکات.