هونەرمەند و ئاوازدانەری بەنێوبانگی کورد قادری سەیاحی مەھابادیی کۆچی دواییکرد
نیسان 18, 2022 12:42 Asia/Tehran
هونەرمەند و ئاوازدانەری بەنێوبانگی کورد قادر سەیاحی بەهۆی نەخۆشییەوە کۆچی دواییکرد.
قادری سەیاحی ئاوازدانەر، گۆرانێبێژ و ژەنیاری ئامێری کلارینێت و موزیکزانی ناسراوی کوردستانە و بەهۆی جەڵتەی دڵەوە لە شاری مەهاباد کۆچی دواییکرد.
مامۆستا قادر سەیاحی ساڵی 1943 لە شاری مەهاباد، شاری مەڵبەندی گەورە هونەرمەندان و شاعیران و نووسەرانی کورد لەدایک بووە، لە تەمەنی لاوێتییەوە دەستی بە کاری هونەری لە بواری موزیک دا کردووە و خاوەن سەنگ و پێگە و رۆڵی خۆیەتی لە بواری هونەری گۆرانی و موزیکی کوردی دا.
