وتەبێژی ھێزە چەکدارەکانی یەمەن باسی پێکرانی فڕۆکەخانەی نێودەوڵەتیی ئەبھا و بنکەی ئاسمانیی مەلیک خالید لە باشووری عەرەبستان دەکات .

بە پێی راپۆرتی کەناڵی ئەلمەسیرە ، یەحیا سەریع وتەبێژی ھێزە چەکدارەکانی ھەمەن ئەمڕۆ دوشەممە رایگەیاند ، یەکینەی خوفڕی ئەرتەشی یەمەن سەر لە بەیانیی ئەمڕۆ فڕۆکەخانەی نێودەوڵەتیی ئەبھا و بنکەی سەربازیی خەمیس مەشیتی لە باشووری عەرەبستان پێکاوە . 

یەحیا سەریع جەختی کردەوە ، ئەم پەلامارە لە چوارچێوەی مافی رەوا و ئاسایی یەمەنیەکان بۆ وڵامدانەوە بە تاوانکاریی سعودیەکان و درێژەی گەمارۆی یەمەن ئەنجام بووە . 

ئەوە چەندەمین جارە فڕۆکەخانەی سەربازیی ئەبھا و بنکەی مەلیک خالید لە خەمیس مەشیت لە باشوری عەرەبستان دەکەونە بەر پەلاماری فڕۆکەی بێ فڕۆکەوانی یەمەنی .