Mar 21, 2019 18:44 Asia/Tehran
  • وەزیری دەرەوەی ئێران گەیشتە ئەستەمووڵی تورکیا

"محەممەد جەواد زەریف" بەئامانجی بەشداری لە کۆبوونەوەی نائاسایی وەزیرانی دەرەوەی ڕێکخراوی هاوکاری ئیسلامی، پاش نیوەڕۆی ئەمڕۆ پێنج شەم گەیشتە فڕۆکەخانەی ئەستەمووڵی تورکیا.

بەپێی ئاژانسی هەواڵیی ڕادیۆ و تەلەفزیۆنی ئێران، دانیشتنی نائاسایی یەک ڕۆژەی وەزیرانی دەرەوەی ئەندامی ڕێکخراوی هاوکاری ئیسلامی، بەتەوەری پەلاماری ترۆریستیی ئەم دواییە لە نیوزیلەند، سبەی هەینی لە ئەستەمووڵی تورکیا بەڕێوە دەچێ و محەممەد جەوادی زەریف لەو دانیشتنەدا وتار دەدا.

ڕێکخراوی هاوکاریی ئیسلامی، دووهەم ڕێکخراوی نێودەوڵەتی پاش ڕێکخراوی نەتەوەکان بەئەندامەتی وڵاتانێک لە چوار کیشوەری ئاسیا، ئەفریقا، ئوروپاو ئەمریکا بەمەبەستی پاراستن و داکۆکی لە بەرژەوەندییەکانی جیهانی ئیسلام لە ساڵی١٩٦٩ دامەزرا.

بۆچوونت