نیسان 06, 2020 07:48 Asia/Tehran
  • سەرۆک وەزیرانی بریتانیا لە نەخۆشخانە کەوت

نوسینگەی سەرۆک وەزریانی بریتانیا باسی گوازرانەوەی بۆریس جانسۆن سەرۆک وەزیرانی ئەم وڵاتەی کرد بۆ نەخۆشخانە .

بە پێی راپۆرتی ئیرنا ، نوسینگەی سەرۆک وەزیرانی بریتانیا رایگەیاند ، دوای تێپەڕینی 10 رۆژ لە تووشبوونی بۆریس جانسۆن بە ڤایروسی کۆرۆنا و بە هۆی بەردەوامبوونی نیشانەکانی نەخۆشیەکەی ئەو ، ناوبراو لە شەوی رابردووەوە بۆ ئانجامدانی تاقیکردنەوەی زیاتر براوەتە نەخۆشخانە .

 ئەنجامی تاقیکردنەوەی کۆرۆنای سەرۆک وەزیرانی بریتانیا رۆژی هەینی 27ی مارس بە پۆزەتیڤ راگێندرا و ئەو لەو ماوەیەدا لە ماڵدا مابووەوە .

 هەواڵدەریی سپۆتنیک سەر لەبەیانیی دوشەممە رایگەیاند ، جانسۆن پێویستیی بە دەزگای ئۆکسیژێن هەیە .

 بە پێی راگەیاندنی نوسینگەی سەرۆک وەزیرانی بریتانیا ، ئەگەر جانسۆن بۆ بەڕێوەبردنی کاروباری وڵات بێ توانا بێ ، وەزیری دەرەوەی بریتانیا بە شێوەی کاتی کاروبار دەگرێتە دەست .

 بە پێی دوایین ئاماری راگێندراو لە لایەن حکومەتی بریتانیاوە ، تا ئێستا 47806 کەس لەم وڵاتە کۆرۆنایان گرتووە کە لەم ژمارەیە 4934 کەس گیانیان لە دەست داوە .

 ژماری نەخۆشان و قوربانیانی کۆرۆنا لە بریتانیا تا دێ زیاد دەکات .

بۆچوونت