یاریدەری تایبەتی سەرۆکی مەجلیسی شۆرای ئیسلامیی ئێران لە کاروباری نێونەتەوەیی بەڕاگەیاندنی ئەمەی کە هەوڵدان بۆ پارچەپارچەکردنی ئێراق لە پێناوی درێژەی هەوڵی شکست خواردووی داعش و بەرەی نوسرەیە پێداگری کرد : دوژمنانی ناوچە تەنیا بیر لە بەهێزکرانی ڕژێمی زایۆنیستی دەکەنەوە.

بەپێی ڕاپۆرتی ئیرنا،  حسێن ئەمیر عەبدوڵڵاهیان ، یاریدەری تایبەتی سەرۆکی  مەجلیسی شۆرای ئیسلامیی ئێران لە کاروباری نێودەوڵەتی ڕۆژی سێ شەممە لە چاوپێکەوتنی عەدنان  حەسەن مەحموود  باڵوێزی سوریا لە تاران ، بە ئاماژەدان بەمەی تیرۆریزم و زایونیزم  دوو ڕووی  سکەیەکن،  وتی  :  لە هەموو ئەم ساڵانەدا  تیرۆریستەکان تەنانەت گوللەیەکیان بەرەو ڕژێمی زایۆنیستی  نەهاویشتووە  لەحاڵێکدا کە هەزاران  سوننە و شیعە و مەسیحیان کوشت و ئێستاش زایۆنییەکان بە پیلانێکی دیکە  بەسەر پارچەپارچە کرانی وڵاتانی ئیسلامی ، پێداگری دەکەن  .

ئەمیر عەبدوڵڵاهیان  سەبارەت بە دواهاتی ناشیاوی بەڕێوەچوونی  ریفراندۆمی جیابوونەوەی هەرێمی کوردستان لە ئێراق لەسەر سەقامی سیاسیی ئێراق و ئاسایشی ناوچە وتی  :  ڕوانینی ئێران بە دواهات کۆپرسی لە هەرێمی کوردستان  بە پێی نەگۆڕدرانی  سنوورەکانی جوگرافیایی لە ناوچەیە و دابەشکرانی  ناوچەی ڕۆژهەڵاتی ناڤین، پرسێکی پڕ مەترسیە.

یاریدەری تایبەتی  سەرۆکی مەجلیسی شۆرای ئیسلامیی ئێران سەبارەت بە پێشکەوتنی مەیدانی و نیزامی لە سوریاش وتی : ئێران پاراستنی یەکێتی  نیشتمانی و سەروەری سوریا، ئێراق و هەموو وڵاتانی ناوچە بە  پاراستنی ئاسایشی هەموان دەزانێ.

عەدنان  حەسەن مەحموود  باڵوێزی دیمەشق لە تارانیش  لەم دیدارەدا بە ڕاگەیاندنی  ئەمەی دەوڵەت و خەڵکی سوریا  هیچکات ڕوانگەی ستراتژیک  و تۆکمەوتەواوی ڕێبەری مەزنی ئینقلابی ئیسلامی  بۆ یارمەتی دان بە سوریا و بەرەنگاربوونەوەی تیرۆریزم لە بیرناکەن، وتی  :  بەڕێزیان بە ڕێنوێنی ورد و دەقیق  لە ناوچە، پلانی  وەیشوومی  دوژمنان و زایۆنیستەکانیان  کردوەتە بڵغی  سەر ئاو  .