سەرلەشکەر باقری: گرووپە تیرۆریستییەکان لە سەروبەندی تیاچووندان
سەرۆکی ئەرکانی گشتیی هێزە چەکدارەکانی ئێران، بە ئاماژە بە سەرکەوتنە بەرچاوەکانی بەرەی خۆڕاگری لە خەباتی دژ بە گرووپە تیرۆریستییەکاندا لە سووریا پێی داگرت: گرووپە تیرۆریستییەکان لە سەروبەندی تیاچووندان.
"سەردار سەرلەشکەر محەممەد باقری" لە درێژەی سەفەریدا بۆ سووریا لە ناوچە ئۆپەراسیۆنییەکانی پارێزگاکانی حەلەب و ناوچە ئۆپەراسیۆنییەکانی دیکەی ئەم وڵاتە لە کۆڕی خەباتگێرانی بەرەی خۆڕاگری و بەرگریکارانی حەرەمدا، ڕایگەیاند: راز ونهێنیی سەرکەوتنە پەیتا پەیتا و جێشانازییەکان بەرامبەر بە دوژمنان و گروپە تیرۆریستییەکان، یەکێتی و یەکدەنگیی خەباتگێڕانی بەرەی خۆڕاگری و بەرگریکارانی حەرەم بووە.
سەرۆکی ئەرکانی گشتیی هێزە چەکدارەکانی ئێران، ڕاشکاوانە ڕایگەیاند؛ ئیمان و بڕوای پتەو بە یارمەتی و پاڵپشتیی ئیلاهی و متمانە بەخۆیی خەباتگێرانی بەرەی خۆڕاگری، سەرچاوەی دەگەڕێتەوە بۆ ئەزموونەکانی خەباتگێڕانی کۆماری ئیسلامیی ئێران لە ماوەی هەشت ساڵ بەرەڤانی پیرۆزدا.
سەرلەشکەر باقری هەروەها هیوای خواست: ڕەوتی پێشڕەوی و سەرکەوتنەکانی بەرەی خۆڕاگری بە ئازایەتی و بوێریی خەباتگێرانی دلێر و ماندوونەناسی بەرگریکاری حەرەم هەر درێژەی هەبێ.
سەرۆکی ئەرکانی گشتیی هێزە چەکدارەکانی ئێران ڕۆژی سێشەممە لە سەروی شاندێکی سەربازییەوە گەیشتە دیمەشقی پێتەختی سووریا.
