وەزارەتی دەرەوەی ڕووسیا ڕۆژی دوشوەمە لە کاردانەوە بە هەڵوێست وەرگرتنەکانی ئەم دواییەی ئەمریکا و بڕێک لە هاوپەیمانەکانی بۆ وێنە ڕژیمی زایونی دوای ئاڵوزیەکان لە بڕێک لە شارەکانی ئێران لە بەیاننامەیەکدا وتیشی دەسوەردانی بیانی لە ئێران مەحکوومەو قەبووڵکراو نیە .

لە ماوەی ڕۆژانی  ڕابردوودا   ژومارێک  لە خەڵکی چەن شارێکی ئێران بە کۆ بوونەوە و هەڵدانی درووشم، ناڕەزایەتیان دەربڕی بەرامبەر بە یەکلا نەکرانەوەی چارەنووسی ئەو کەسانەی دارایی و سامانیان لە ڕێکخراوە دراوی و فاینانسەکاندا لە کیس چوە، هەروەها  بەرامبەر بە گران بوونی هەندێ خۆراک و شت و مەک  و لاواز بوونی چاوەدێڕی و کۆنترۆڵی دەوڵەت بە سەر بازاڕدا ناڕەزایەتیان دەربڕی کە هەندێک لەو کۆبوونەوانە لە لایەن کەسانی نەناسراو و ئاژاوەگێڕەوە و بە پلانێکی لە پێشەوە داڕێژراو شەڕ و پێکدادانی لێکەوتەوە و هەلپەرستەکان هێرشیان کردە سەر چەن ناوەندی دەوڵەتی و بانکەکان و دەستیان کردە تیابردنی سامانی گشتی.  کاربەدەستانی ئەمریکی و مێدیا بیانیەکان  و ڕاگەیەنەرەکانی دژی شۆڕشیش بە قۆستنەوەی  ئەو هەلەی بە هۆی ناڕەزایەتی دەربڕینی جەماوەر بۆیان ڕەخساوە ، هەوڵ دەدەن  ئەو ناڕەزایەتیانە بەرەو  ئاژاوەگێڕی و شەڕ و کردەوەی تێکدەرانە پاڵ پێوە بنێن .

حەسەن ڕۆحانی ڕۆژی دووشەممە لە دانیشتنی لەگەڵ سەرۆکی کۆمیسیۆنە پسپۆرییەکانی مەجلیسی شۆرای ئیسلامیی ئێران، سەرکەوتنەکانی  ئێرانی بە چقڵی چاوی  دوژمن و  تەحموڵ  نەکردنی بۆ  ئەمریکا و ڕژیمی  زایونی   زانی  و وتیشی  دوژمنانی  ئێران بەردەوام  بە دوای  هەلخوازی و تۆڵە سەندنەوە  لە  ئێران  بوونە . حەسەن ڕوحانی   بە وتنی   ئەوەی  کە  لە بواری  ئابووری  کێشەگەلێک هەیە  و ناتوانڕێ  حاشای لێ بکرێت   وتی : نەتەوەی  ئێران  بە هێزمەندییەوە  ئەو کێشەگەلە  تێپەڕ دەکات و بە باشی  وڵامی  هەلخوازان و ئاژاوە گێڕان دەداتەوە کە بێ ڕێزییان بەرامبەر بە پیروزایەتی  و بایخەکانی شۆڕش کردووە و  شۆێنە گشتیەکانیان کاول کردووە.