دەست پێ بوونی کۆبوونەوەی نێونەتەوەیی پشتگری کردن لە جەماوەری یەمەن لە تاران
کۆبوونەوەی نێونەتەوەیی پشتگری کردن لە جەماوەری چەوساوەو خۆڕاگری یەمەن بە ئامادە بوونی کاربەدەستانی دەوڵەتی و لەشکری، بیرمەندان و بلیمەتان، پێکھاتە جەماوەرییەکانی نێوخۆیی و دەرەوەیی لە تاراندا دەستی پێ کرا.
بەپێی ڕاپۆرتی هەواڵدەریی ڕادیۆو تەلەفزیۆنی ئێران، لەم کۆبوونەوە نێونەتەوەییەدا دەیان بیرمەند و ھەڵسوڕاوی مەدەنی لە ٣٥ وڵاتی جیھانەوە بەشدارن ھەتا ڕاستییەکانی ئەوەی بە سەر جەماوەری یەمەن دا تێدەپەڕێ بۆ میدیاکان ڕوون کەنەوە.
سەرداری سەرتیپی پاسدار غوڵام حسەین غەیب پوور سەرۆکی بەسیجی موستەزعەفین ھاوڕێ لەگەڵ کۆمەڵێک لە نوێنەرانی مەجلیسی شورای ئیسلامیی ئێران، نوێنەرانی بزوتنەوە ئیسلامییەکانی فەلەستین لە تاران و سەرۆکی ئەنجومەنی کەلیمییەکانی ئێران لەم کۆبوونەوە نێونەتەوەییەدا بەشدارن.
عەرەبستانی سەعودی وێڕای هاوپەیمانی لەگەڵ بڕێک لە وڵاتانی عەرەبی ناوچەکەوبە پاڵپشتیی ئەمریکا لە شەشەمی خاکەلێوەی نەوەدوچوارەوە هێرشێکی بەربڵاوی دژی یەمەن دەست پێ کرد هەتا لەم ڕێگایەوە بتوانێ عەبدڕەبە مەنسور هادی سەرۆک کۆماری لەکارکشاوەو هەڵاتوی یەمەن بگەڕێنێتەوە بۆ سەر دەستەڵات.ڕێکخراوەی نەتەوەکان لە ڕاپۆرتێکدا شەڕی یەمەنی وەک نالەبارترین قەیرانی مرۆڤی لە جیھاندا لە ماوەی ساڵانی ئەم دواییە ناوبردووەو بە پێی دان پیادانانی سەرچاوەکانی مافی مرۆڤ لە ئەنجامی ئەم دەست درێژکارییەی عەرەبستان ھەتاکوئێستا هەزاران شارومەندی بێ دەرەتانی یەمەنی گیانیان سپاردووەو ملوێنان کەسیش هەڵوەداو ئاوارە بوونە.
بە گوێرەی ڕاگەیاندنی ئەم سەرچاوانە، هێرشە ئاسمانییە بێ بڕانەوەکان و شەڕ لەم وڵاتەدا زەرەرو زیانێکی قورسی بەسەر جەماوەری یەمەن دا سەپاندووەو زەبرێکی قورسیشی لە ژێرخانە گشتی و تایبەتییەکانی یەمەن وەشاندووە و و هاوکات ڕێگاشی لە گەییشتنی یارمەتیی مرۆڤ دۆستانە بەم وڵاتە گرتووە و جەماوەری ئەم وڵاتە بەرەوڕووی دیاردەی دەگمەن و بەربڵاوی برسیەتی و نەخۆشیی بەربڵاو لەوانە کۆلێرا بوونەتەوە بە تایبەت منداڵان و بەساڵاچووان.
