وتەبێژی وەزارەتی تەندروستی ئێران ئاماری قوربانیانی کۆرۆنا لە ئێرانی 440 کەس لە یەک ڕۆژدا ڕاگەیاند.

 سیما سادات لاری وتەبێژی وەزارەتی تەندروستی ئێران ڕایگەیاند: لە شەو وڕۆژی ڕابردووەوە  440  کەس بە هۆی کۆرۆنا لە ئێران گیانیان لە دەستداوە و بەمەش ژمارەی قوربانیانی کۆرۆنا لە ئێران گەیشتووەتە   35هەزارو   738کەس.

ڕاشیگەیاند: لە شەو و ڕۆژی ڕابردوودا  8289   کەسی دیکەش لە ئێران تووشی کۆرۆنا بوونە و ئێستا  628 هەزار  و  780  کەس تووشبووی کۆرۆنا لە ئێران تۆمار کراوە.

تا ئێستا  491 هەزار و 247  نەخۆشی کۆرۆنایی چاک بوونەتەوە.

ژماری تووشبوانی کۆرۆنا لە جیهانیش دا  گەیشتووەتە نزیکەی 47 میلیۆن کەس کە لەو هەژمارە لانیکەم یەک میلیۆن و 207 هەزار کەس گیانیان لە دەستداوە و زیاتر لە 33 میلیۆن کەسیش چاکبوونەوە .

ئەمریکا بە زیاتر لە 9 میلیۆن تووشبوو و لانیکەم 236 هەزارقوربانی زیاترین ژماری تووشبوان و گیان لەدەستداوانی هەیە .