قەدەغەی هاتووچووی موسافر لە هەرێمی کوردستانەوە بۆ ئێران هەڵگیرا
بەڕێوەبەری گشتیی نووسینگەی تڕانزیتی ڕێکخراوەی ڕێگاوبانی ئێران وتی: سەرجەم سنوورە بازرگانییەکانی ئێران لە گەڵ عێراق و هاتوچوی موسافیر لە هەرێمی کوردستانەوە بۆ ئێران ڕێگەپێدراوە.
جەواد هێدایەتی بە ئاژانسی هەواڵی مێهری ڕاگەیاند: داخرانی سنووری موسافری نێوان ئێران و باکووری عێراق بە تەواوەتی هەڵگیراوە و ئێستا خەڵکی هەرێمی کوردستان دەتوانن سەردانی ئێران بکەن و خەڵکی ئێرانیش بەپێچەوانەوە دەتوانن بێ کێشە بڕۆنە هەرێم.
وتیشی: ئەم بڕیارە بۆ ئەوە دراوە کە هەرێمی کوردستان دۆخێکی جیاوازی هەیە و ئێران ئاڵوگۆڕی بازرگانی و هاتوچووی موسافیری لە گەڵ هەرێم زۆرە و هەرێمیش شوێنێکی بنبەستە لە عێراقدا و بەندەری نییە و هاتوچووی لە گەڵ وڵاتانی دیکە زۆر نییە.
بە وتەی هیدایەتی ، ئێران تا کاتێکی نادیار تەنیا هاتوچووی بازرگانی لە گەڵ بەشی عەرەبی عێراق هەیە و سنووری موسافری داخراوە.
