نەبوونی ئیرادەی سیاسیی کۆریای باشوور ، ھۆکاری دەستبەسەرداگیرانی سەرچاوە دراڤیەکانی ئێرانە
جێگری وەزیری دەرەوەی ئێران بۆ کاروباری سیاسی گوتی : لە روانگەی تارانەوە دەست بەسەرداگرتنی سەرچاوە دراڤیەکانی ئێران لە کۆریای باشوور زیاتر لەوەی کە بە ھۆی بایکوتە زاڵمانەکانی ئەمریکا بێت ، دەگەڕێتەوە بۆ نەبوونی ئیرادەی سیاسیی لای سئول .
سەید عەباس عێراقچی دوانیوەڕۆی یەکشەممە لە دیداری چۆی جونگ کان جێگری وەزیری دەرەوەی کۆریای باشوور کە لە سەرووری شاندێک لە کاربەدەستانی سیاسی و دارایی سەردانی تارانی کردووە ، گوتیشی : نزیکەی دوو ساڵ و نیوە کە بانکەکانی کۆریایی بەشێوەی نایاسایی دەستیان بەسەر سەرچاوە دراڤیەکانی ئێران داگرتووە .
عێراقچی بە ئاماژە بە سەرکەوتوونەبوونی دانوستان لە گەڵ کاربەدەستانی کۆریایی کە لەو ماوەیەدا ئەنجامی گرتووە ، گوتی : ئەم ھەنگاوە کە تەنیا تەسلیم بوون لە بەرامبەر ئەمریکایە قەبوڵ ناکرێ و دیارە پێوەندییش کاتێک مانای دەبێ کە ئەم کێشەیە چارەسەر بکرێ .
جێگری وەزیری دەرەوەی ئێران لە بارەی راگرتنی گەمیە کۆریەکە و داوای کۆریا بۆ ئازادکردنی گوتی : ھەنگاوی ئێران تەنیا لەبەر تێبینی تەکنیکی و بە ھۆی پیسکردنی ژینگە بووە و بەدواداچوونی دۆسیەکە لە لایەن کاربەدەستانی دەسەڵاتی دادڤانی دەست پێبووە .
