سبەی دوشەممە دەی رەجەبی ساڵی 1442 ی کوچی رێکەوتە لە گەڵ ساڵھاتی لە دایکبوونی پیرۆزی ئیمام محەمەد تەقی (ع) نۆھەمین ئیمامی شیعەکانی جیھان .

ئیمام محەمەد تەقی (ع) ، دەی رەجەبی ساڵی 195 ی کۆچی لە شاری مەدینە ھاتە سەردونیا و دوای شەھیدبوونی ئیمام رەزای باوکی (ع) ، رابەرایەتی موسوڵمانانی گرتە ئەستۆ . 

لەقەبی ئەو ئیمامە ، جوادالائمە یە . 

ئیمام جەواد (ع) لە تەمەنی 8 ساڵیدا بە ئیمامەت گەیشت و ماوەی ئیمامەتەکەی 17 ساڵ بوو . 

لە دەورانی ئیمامەتی ئیمام محەمەد تەقی (ع)  فیرقە جیاجیاکانی ئیسلامیی و نائیسلامیی گەشەیان کردبوو و زانست و تەکنیکی گەلانی دیکە لای لێکرابووەوە ، لەبەر ئەوە ئیمام جەواد پێی نایە بابەت و باسە زانستی و بڕواییەکان و لە دەمەتەقێ لە گەڵ نەیاران لە ئایینی جۆربەجۆر ، پاسەوانی لە ئیمامەت کرد . 

گڵکۆی باوکی بەڕێزی ئیمام محەمەد تەقی (ع)  واتە ئیمام رەزا (ع) لە شاری مەشھەد ھەڵکەوتووە .