هەناردەی ساڵانە 230 ملیار دۆڵار کاڵا لە مەرزی سەیران بەندەوە بۆ هەرێمی کوردستان
ئادار 01, 2021 09:17 Asia/Tehran
پارێزگاری پارێزگای کوردستانی ئێران باسی هەناردەی ساڵانە 230 ملیار دۆڵار کاڵا لە سنووری سەیرانبەندی بانە بۆ هەرێمی کوردستان دەکات .
بەپێی راپۆرتی ئیرنا ، بەهمەن مورادنیا پارێزگای کوردستان رۆژی یەکشەممە لە دانیشتنی باڵای هاوبەشی هاریکاری سنووریی هەردوو پارێزگای کوردستان و سلێمانی هەرێمی کوردستان لە شاری بانە گوتی :
بە ئامانجی گەشەپێدانی پێوەندیی تیجاریی پلانی ئەوە دانراوە هێڵی ئاسنی پارێزگەی کوردستان تا هەرێمی کوردستان درێژ بکرێتەوە .
چەتۆ ساڵح سەعید جێگری وەزیری نێوخۆی حکومەتی هەرێمی کوردستانیش لەم کۆبوونەوەدا ناوچەی تایبەتی ئابووریی بانەی بە پتانسێلێکی باش بۆ وەبەرهێنان زانی و گوتی : سنووری سەیرانبەندی بانە بۆ هەرێمی کورسدتان سنوورێکی ستراتژیکە و هەموو بەڵێنەکانی خۆمان لە بەرامبەر سنووری سەیرانبەند بۆ بە رەسمی بوون ئەنجام ئەدەین .
