وەزارەتی کاروباری دەرەوەی ئێران ڕایگەیاند، ڕۆژی جیھانیی قودس دەستپێشخەرییەکە بۆ لەبیر نەچوونەوەی مافی جەماوەری فەلەستین.

وەزارەتی کاروباری دەرەوەی ئێران، ڕۆژی چوارشەممە لە توویتێکدا بە بۆنەی ڕۆژی جیھانیی قودس نووسی: داھێنانی ڕۆژی جیھانیی قودس  دەستپێشخەرییەک بوو بۆ لەبیر نەچوونەوەی مافی جەماوەری فەلەستین.

لە درێژەی توییتەکەدا ھاتووە: قەڵاچۆو ئەشکەنجەی فەلەستینییەکان و داگیرکرانی فەلەستین ئاسایی نابێتەوە.

دوایین ھەینیی مانگی ڕەمەزانی پیرۆز بە دەستپێشخەریی حەزرەتی ئیمام خومەینی«رە» دامەزرێنەری مەزنی کۆماری ئیسلامیی ئێران وەک ڕۆژی جیھانیی قودس ناودێری کراوە.

ڕۆژی ھەینیی ٧ی مای ٢٠٢١ ( ١٧ی بانەمەڕی ١٤٠٠) ڕێککەوت لەگەڵ ٢٤ی ڕەمەزانی ١٤٤٢ی کۆچیی مانگی ڕۆژی جیھانیی قودسە.