وتەبێژی نەتەوە یەکگرتووەکان لە کاتێکدا ئەمریکا بەردەوام بوو لە هێرشە شەڕانگێزەکانی بۆ سەر ئێران وتی:  ئانتونیو گوترێش ئەمینداری گشتیی  ڕێکخراوی نەتەوە یەکگرتووەکان  نیگەرانە لە هێرشەکانی سەر ژێرخانی مەدەنی لە ئێران.

ستیفان دوجاریک وتی: سکرتێری گشتی نەتەوە یەکگرتووەکان بە تایبەتی نیگەرانە لە هێرشەکان بۆ سەر ژێرخانی مەدەنی لە ئێران، لەوانە هازگەیەکی ناڤۆکی  کە لە قۆناغی دروستکردندایە وکارگەیەکی  ئاو شیرینەکەرە  و هەروەها لە سەرانسەری ناوچەکەدا. وتەبێژی نەتەوە یەکگرتووەکان  وتیشی : سکرتێری گشتی نەتەوە یەکگرتووەکان جارێکی دیکە  دووپاتی دەکاتەوە کە هیچ چارەسەرێکی سەربازی بۆ ململانێی هەنوکەیی  نییە و داوای چڕکردنەوەی هەوڵە دیپلۆماسییەکان دەکات بۆ گەیشتن بە ڕێککەوتنێکی ئاشتیانە و بەردەوام. وتەبێژی نەتەوە یەکگرتووەکان  وتیشی : ژێرخانە  گرینگەکان  کە خەڵکی مەدەنی پشتی پێ دەبەستن بۆ مانەوە، لەوانە نەخۆشخانە و سەرچاوە ئاوییەکان، دەبێت بپارێزرێن . ناوبراو سەبارەت بە ڕۆڵی سکرتێری گشتی نەتەوە یەکگرتووەکان لە گەڕانەوەی لایەنەکان بۆ دیپلۆماسی وتی: نامانەوێت  بگەڕێینەوە بۆ ململانێیەکان .  ئێمە دەبینین جارێکی تر نرخی کاڵاکان بەرز دەبێتەوە. دوجاریک جەختی لەوە کردەوە: "ئەوە ئەرکی سکرتێری گشتی و هەموو لایەنەکانە کە  هەر کارێک کە  بتوانن  ئەنجامی ئەدەن  بۆ ئەوەی ڕێگە خۆش بکەن بۆ گەڕانەوە بۆ دیپلۆماسی. هەروەها   ڕێز  دەگرێن  لە  ڕۆڵی  نێوەندگیرانەی   پاکستان   لەم  بوارەدا    .