دەروازەی سنووریی حاجی ئۆمەران تا کۆتایی گوڵان داخراو دەبێت
May 09, 2021 16:24 Asia/Tehran
بەرپرسی گومرکی سنووریی حاجی ئۆمەرانی پیرانشار بە ئاماژە بە داخراو بوون و قەدەغەی هاتوچۆی موسافیر لە سنووری تەمەرچین، وتی: ئەو قەدەغەیە تا کۆتایی مانگی گوڵان درێژەی دەبێت.
بە پێی ڕاپۆرتی ئاژانسی هەواڵی مێهر، فەرامەرز محەمەدیان بە وتنی ئەوەی کە لەم دواییەدا سنووری حاجی ئۆمەران بەهۆی تەشەنە سەندنی کۆرۆناوە داخراو بوو، گوتی : بەهۆی بەردەوامبوونی نەخۆشیەکە ئەو قەدەغەیە بۆ هاتوچۆی موسافیر تا دوو هەفتەی دیکە درێژ کراوەتەوە و هیچ جۆرە نامە یان مۆڵەتێک بۆ هاتوچۆی موسافر لەو سنوورەوە دەرناکرێت.
