وەزیری دەرەوەی تالیبان گەیشتە تاران
وەزیری دەرەوەی کاتیی تالیبان بۆ دیدار و وتووێژ لە گەڵ کاربەدەستانی کۆماری ئیسلامیی ئێران لە بارەی پرسە جۆراجۆرەکان گەیشتە تاران .
بە پێی راپۆرتی کەناڵی ئەلعالەم ، شاندێک لە تالیبانەوە بە سەرپەرشتیی ئەمیرخان موتەقی سەرپەرشتی وەزارەتی دەرەوەی ئەم گروپە گەیشتە تاران .
بڕیارە ئەم شاندە لە گەڵ کاربەدەستانی ئێران لە بارەی ھاریکاریەکانی نێوان دوو وڵات و پرسە ئابووریەکان وتووێژ بکات .
عەبدولقەھار بەڵخی وتەبێژی وەزارەتی دەرەوەی تالیبان رۆژی شەممە لە توویتێک دا نووسی ئەمیر خان موتەقی لە سەردانی تاران لە گەڵ کاربەدەستانی ئێران سەبارەت بە پرسە ساسی و ئابووریەکان ، ترانزیت و کۆچبەرانی ئەفغان لە کۆماری ئیسلامیی ئێران وتووێژ دەکات .
ئێران ھەمیشە لە تالیبانی ویستووە بۆ بەفەرمی ناسران ، حکومەتی گشتداگر بە ئامادەبوونی ھەموو پێکھاتەکانی ئەفغغانستان پێکبێنێ .