فەرماندەی هێزی هەوافەزای سپای پاسداران : توانایی مووشەکیی ئێران چەند ئەوەندە بۆتەوە
ئادار 06, 2022 09:24 Asia/Tehran
فەرماندەی هێزی هەوافەزای سپای پاسداران وتی: توانایی ئاگری مووشەکیی و هاویشتنی هاوکات، شەش ئەوەندە بۆتەوە و کاتی ئامادەیی و مەودای هاویشتنیش دابەزیوە.
بە پێی راپۆرتی ئاژانسی هەواڵی مێهر، سەردار ئەمیر حاجی زادە فەرماندەی هێزی هەوافەزای سپای پاسدارانی شۆڕشی ئسلامیی وتی: ئێمە فەرمانی رێبەری مەزن لە سەر بەهێزکردنی هێزەکانمان بە جیدی وەرگرت و بە هەوڵ و تێکۆشانی خۆمان توانیمان لەم بابەتە گرینگەدا سەرکەوین.
ئەو وتیشی: ئێستا لەم بنکەی سوپادا دەتوانین ٦٠ فڕۆکەی بێ فڕۆکەوان بفڕێنین و دەتوانین هەر ئامانجێک بە ئاسانی بپێکین.
فەرماندەی هێزی هەوافەزای سپا وێڕای داکۆکی لە سەر ئەوەی کە دەسەڵاتی ئێمە زۆر گەشەی کردووە، وتی: توانایی ئاگری مووشەکی و هاویشتنی هاوکات، شەش ئەوەندە بۆتەوە و کاتی ئامادەیی و مەودای هاویشتنیش دابەزیوە.
