پارێزگاری کوردستان چاوی بە بنەماڵەی «مەهسا ئەمینی» کەوت و هاوخەمیی خۆی دەربڕی
پارێزگاری کوردستان لەگەڵ کۆمەڵێک لە بەرپرسانی ئەو پارێزگایە بەشداریی پرسەی «مەهسا ئەمینی»ی کرد و سەرەخۆشیی خۆی ئازاستەی بنەماڵەکەی کرد.
بە پێی ڕاپۆرتی ئیرنا، «ئیسماعیل زارعی کۆشا»، لەگەڵ فەرماندەی فەیلەقی بەیتولموقەددەسی سپای پاسدارانی پارێزگای کوردستان، جێگری ئاسایشی سیاسی و نوێنەری سەقەز لە مەجلیسی شورای ئیسلامی، ڕۆژی یەکشەممە لە ڕێوڕەسمی بەخاکسپاردنی خوالێخۆشبوو «مەهسا ئەمینی» بەشداریی کردو وێڕای دەربڕینی هاوخەمی ، چاوی بە ئەندامانی بنەماڵەکەشی کەوت.
دوای کۆتایی ھاتنی پرسەو مەراسیمی بەخاکسپاردنەکە، بەرپرسانی پارێزگای کوردستان سەردانی ماڵی خوالێخۆشبوو «مەهسا ئەمینی»یان کردو هاوسۆزیی خۆیانیان بۆ بنەماڵەی ناوبراو دەربڕی و جەختیان لە بەدواداچوونی ئەو پرسە کردەوە لە رێگەی یاساییەوە.
ڕۆژی هەینیش پارێزگاری کوردستان، لە پەیوەندییەکی تەلەفۆنیدا لەگەڵ باوکی «مەهسا ئەمینی»، وێڕای سەرەخۆشی لە خۆی و دایکە داخودارەکەی خەمگین، جەختی لە بەدواداچوونی بەبڕشتانەکردەوە بۆ ئەو ڕووداوە.
