سەفەری وەزیری ئابووریی ئێران بۆ عەرەبستان
May 11, 2023 20:03 Asia/Tehran
وەزیری ئابووری و دارایی ئێران بە سەرۆکایەتیی شاندێک گەییشتە فڕۆکەخانەی جەددەی عەرەبستان.
بە ڕاپۆرتی ئاژانسی هەواڵدەریی ئێران پرێس، «سەید ئیحسان خاندوزی» وەزیری ئابووری و دارایی ئێران کە ڕۆژی پێنجشەممە بە سەرۆکایەتیی شاندێکی ئابووری سەردانی عەرەبستانی کرد، لە میانەی پێشوازیی گەرم وگوڕی کاربەدەستانی ئەم وڵاتە، بەڕێوەبەرانی بانکی گەشەپێدانی ئیسلامی و ئەندامانی کونسوڵخانەی گشتیی ئێران گەییشتە فڕگەی جەددە.
دیداری دووقۆڵیی کاربەدەستانی عەرەبستان و ئامادەبوون و وتاردان لە کۆبوونەوەکانی بانکی گەشەپێدانی ئیسلامی لە گرنگترین ئامانجەکانی ئەم سەفەرەن.
ئەمە یەکەمین سەردانی بەرپرسێکی حکومەتی کۆماری ئیسلامیی ئێران بۆ عەرەبستانە دوای ڕێککەوتنی ئەم دواییە لەگەڵ ئەم وڵاتە.
